مريم عامر منيب: بابا كان بيحب عبدالحليم حافظ.. وهذا الموقف لا أنساه
08:00 ص الأحد 27 نوفمبر 2022 القاهرة- ايجي نيوز: تحدثت مريم منيب، ابنة الفنان الراحل عامر منيب، عن ذكرياتها مع والدها. أكدت "مريم" خلال مداخلة في برنامج "الستات مايعرفوش يكدبوا"، على شاشة cbc، أنها كانت تتمنى تقديم دويتو مع والدها، قائلة: "طول عمري كنت بحلم أغني دويتو مع بابا لكن ما حصلش، فماما شجعتني إني اعمل الأغنية دي واركب صوت وصورة بابا معايا فيها". تابعت: "بابا كان دايما بيحب يساعد الناس وكريم ويحب يجبر خاطر الناس وفاكرة مرة كنا في الشارع وفي حد زعلان نزل له وسأله مالك.. الموقف دا عمري ما أنساه في حياتي". تضيف مريم منيب: "بابا كان بيحب لما نكون معاه نسمع الأغاني القديمة، وكان أحب الناس إليه عبدالحليم حافظ، حقيقي عشنا مع بابا أحلى أيام وكان دائما حريص على إنه يودينا المدرسة، وياخدنا معاه في الاستديو وياخد رأينا في أغانيه برغم إننا كنا صغيرين". برنامج "الستات مايعرفوش يكدبوا" يُعرض من السبت للأربعاء على الهواء مباشرة على قناة cbc، في تمام الساعة 3 عصراً، تقديم مني عبدالغني، مها الصغير، هبة الأباصيري، إيمان عز الدين.
#مريم #عامر #منيب #بابا #كان #بيحب #عبدالحليم #حافظ #وهذا #الموقف #لا #أنساه
